Aksidenti që shuajti familjen Gushi, të cilën po ktheheshin nga Greqia, aty ku kishin shkuar për një jetë më të mirë, ndodhi për shkak të shpejtësisë skëterrë të mjetit që shkaktoi këtë tragjedi.
Makina tip ”Audi A8” që goditi nga pas makinën tip ”Toyota” në të cilën udhëtonte familja me 4 anëtarë që u shua, kushton rreth 100 mijë euro dhe po drejtohej nga një i ri që po shkonte në drejtim të jugut.
Igli Madani, ishte drejtuesi i mjetit, dhe po udhëtonte me shpejtësi mbi 150 km në orë. Së bashkë me të udhëtonin Fabio Lamaj dhe Glori Selimi, të tre jashtë rrezikut për jetën. Shoferi nuk ka qenë nën efektin e alkoolit.
