Basha dha alarmin për magazinën me 100 ton trogë në Manzë. Ja ç’bën Policia e Shtetit

Aktualitet E Premte, 21 Maj 2021 03:03

Kreu i PD-së Lulzim Basha ditën e djeshme nga çadra e protestës bëri një deklaratë të fortë duke pohuar se në Manzë, 30 kilometra nga Tirana ndodhej një magazinë me 100 ton drogë.
Basha tha se për këtë kishin dijeni të gjithë drejtuesit, nga Rama te drejtori i policisë së Durrësit Perlat Cullaj i cili sipas kryedemokratit ishte edhe “pronari” i magazinës.

Cullaj i hodhi poshtë këto akuza disa minuta më vonë ndërsa sot ka nisur një aksion nga ana e policisë së shtetit, nga ajri e nga toka për të monitoruar territorin. Ky aksion i policisë po pasqyrohet “live” nga zëdhënësi i policisë, Gentian Mullai.