Dëborë e dendur në Bulqizë, përplasen dy makina, 3 të plagosur

Tre persona janë plagosur nga një aksident që ka ndodhur në rrugën Bulqizë-Peshkopi. Sipas informacioneve të para raportohet se dy makina janë përplasur me njëra tjetrën në orët e mbrëmjes të së dielës.

Aksidenti ka ndodhur si pasojë e reshjeve të dendura të dëborës, ndërsa të plagosurit janë dërguar në spital për të marrë ndihmën mjekësore.

Policia i bën apel drejtuesve të automjeteve të vendosin zinxhir në rrugën Bulqizë-Peshkopi.