Deputeti Muçi: Veç hetimi i pushtetarëve garanton pavarësinë e drejtësisë nga pushteti ekzekutiv

Deputeti i partisë “Lëvizja Bashkë”, Redi Muçi thotë se gjyqësori ka një rol që duhet zbatuar, duke u përqendruar te vetë roli i Prokurorisë së Posaçme dhe hetimeve që ushtrohen ndaj zyrtarëve të vendit. Sipas tij, hetimi i pushtetarëve sjell ndarjen e pushtetit të sistemit gjyqësor nga pushteti ekzekutiv. ”Sistemi Gjyqësorë më parë ka dëshmuar qartazi që nuk ka qenë i pavarur më parë. Vetë fakti që kemi ngritur një Gjykatë Speciale, Prokurori të Posaçme, fryma e qasjes është që duhen hetuar njerëz të pushtetshëm. Vetëm kur të hetohen njerëzit e pushtetshëm, mund të pretendojmë pavarësinë e pushtetit gjyqësor nga pushteti ekzekutiv”,– ka thënë Redi Muçi.