Gledis Nano: Zero kg kanabis e kapur në brigjet italiane nga Shqipëria

Në Pallatin e Kongreseve është zhvilluar një Konferencë e përbashkët ndërmjet përfaqësuesve të Policisë së Shtetit të Shqipërisë dhe Policisë së Shtetit të Italisë, për përfundimin e procesit të monitorimit ajror të territorit të vendit, me qëllim parandalimin dhe goditjen e kultivimit të bimëve narkotike.

Në këtë konferencë të Përbashkët janë prezantuar rezultatet e arritura, jo vetëm në kuadër të monitorimit ajror, por rezultatet e arritura në tërësi, për goditjen dhe parandalimin e kultivimit të bimëve narkotike.

Në fjalën e tij, teksa ka bërë bilancin e 2021 dhe e ka krahasuar me të njëjtën periudhë të 2020, drejtori Nano u shpreh se kemi një rënie të trafikimit drejt tyre me 100 % dhe këtë fakt e konfirmojnë edhe partnerët italianë.

“50 dronë janë përdororur nga 24 të përdorur në 2019-ën dhe 15 në 2020-ën. Në 2021 janë administruar 7023 informacione policicore për kanabis. 219 përgjime parandaluese, 98 më shumë se 2020-a. 140 procedime, 32 më shumë se 1 vit më parë. 25 raste të sekuestrimit të farave, 9 rastr më shumë se viti i kaluar”, tha Nano.