LAJM I FUNDIT/ Makina aksidenton biçikletën në Tiranë, plagoset 12-vjeçari

Një 12-vjeçar është aksidentuar sot në Tiranë, teksa ecte me biçikletën e tij. Ngjarja në fjalë ndodhi tek rruga “Ibrahim Rugova”.

‘Balkanweb’ mëson se djali është përplasur nga një automjet tip “Toyota”. Fill pas aksidentit djali është transportuar me autoambulancë drejt spitalit, ndërsa thuhet se fatmirësisht ka marrë dëmtime të lehta.

Ndërkohë, drejtuesi i mjetit dhe policia ndodhen në vendngjarje, ndërsa po kryen të gjitha veprimet hetimore.