Listat e kandidatëve, PD heq mjekun dhe e zëvendëson me sportistin e njohur

PD-ja ka ridepozituar pranë KQZ-së listën e korrigjuar të kandidatëve për deputet. Krahas ndryshimeve të disa kandidatëve në fund të listës, u vu re largimi nga kandidimi të mjekut Gazmend Koduzi duke u zëvendësuar me sportistin Gentian Muça. Më shumë se sa lëvizjet e kandidatëve, lista e PD-së është sërish jashtë kritereve që ka parashikuar KQZ dhe mbi këto parashikime ngrihet pikëpyetja nëse KQZ do ta lejojë vijimin e koalicionit opozitar në garën e 25 prillit.