“Nuk frymëzohen shqiptarët me ‘Rama ik’ apo ‘Luli-Mona hajde’, duhet të fitojmë zemrat!”

Gjatë fjalës së saj në në Konventën Kombëtare të LSI, kryetarja e kësaj force politike i është kundërpërgjigjur Edi Ramës që e quan “fallxhore”, duke “hedhur fall” dhe deklaruar, se si fallxhore e parashikojë Shqipërinë të begatë pa Edi Ramën. Ajo ka theksuar gjithashtu nuk frymëzohen shqiptarët me parulla “Rama ik, apo Luli-Mona hajde”, por duhet të fitojmë buzëqeshjen e njerëzve.

“Si fallxhore dhe doktoreshë e parashikoj Shqipëri të begatë pa Ramën, pa qeverinë e kapur nga krimi dhe oligarkët. LSI nuk e bëjnë njerëzit, e bën shpirti, e bën ndjenja dhe dashuria që kemi për njëri tjetrin. Nuk frymëzohen shqiptarët as më parullën “Rama ik, apo Luli-Mona hajde’. Jam shumë e ndërgjegjshme, por nuk është aq e lehtë të entuziazmosh 600 mijë shqiptarë që ushqehen me 5 dollarë në ditë. Një nënë që nuk ka para të ushqeje familjen dhe të çojë fëmijën në shkollë të lartë. Ne mund të fitojmë buzëqeshjen e njerëzve dhe zemrat e shqiptarëve nëse nënshkruajmë kontratë me ta, dhe duhet të jetë e vërtetë, t’i presim dorën oligarkëve, duhet të ngremë sistem që të presë çdo dorë që tenton ta bëjë këtë”.