Reshjet e dëborës bllokojnë qarkullimin në Llogara

Pak orë reshje dëbore kanë mjaftuar që të dyja kahet e rrugës të Llogarasë të bllokohen. Mësojmë se lëvizja e automjeteve është bërë pothuajse e pamundur dhe nuk këshillohet frekuentimi i këtij aksi. Kalimi i rrugës mund të bëhet vetëm me zinxhirë. Drejtuesit e automjeteve kanë bërë thirrje që të hidhet skorje në rrugë, pasi disa automjete janë bllokuar tek qafa e Llogarasë shkruan “BalkanWeb”.