Video e Ramës kur bllokonte negociatat për kreun e qarkut Fier. Vasili: Ky është njeriu anti integrim

Shqipëria ka humbur disa herë shansin për çeljen e negociatave me Bashkimin Europian. Ndërsa sot justifikimi i qeverisë është se vendet e BE kanë probleme mes tyre, para vitit 2013 ishte Shqipëria ajo që kishte probleme, pasi opozita nuk binte dakord për miratimin e reformave.
Historia e Edi Ramës në PS njeh disa momente kur negociatat dhe integrimi janë djegur nga qëndrimi bojkotues i PS-së dhe Edi Ramës. Rasti më flagrant është humbja e negociatave në vitet 2011-2012 për shkak të kërkesës absurde të Edi Ramës për t’i dhënë PS-së kreun e Këshillit të Qarkut Fier. Bëhej fjalë një post pa rëndësi dhe që nuk i takonte realisht PS-së, pasi shumica në këshill ishte PD-LSI, Edi Rama dogji shansin e integrimit. Për këshillin e qarkut Fier u bllokua votimi i tre ligjeve që kërkohej nga Brukseli, u bën protesta të dhunshme dhe u bllokuan rrugët nga PS-ja e Edi Ramës dhe rezultati solli bllokimin e integrimit.
Nënkryetari i LSI-së, Petrit Vasili ka publikuar videon e kohës kur Edi Rama bllokonte integrimin për arsye naive.
“Edi Rama njeriu antiintegrim! A keni dëgjuar Ramën, që sa here shkel Kushtetutën apo bën gati koncesionin e radhës fillon e flet për integrimin europian dhe për negociatatat? Fillon zbulon armiqtë dhe miqtë e integrimit. Po kush më mirë se Rama mund ta bëjë këtë? Si njeriu më antiintegrim Rama nuk ka rivale. Për të freskuar memorjen e të gjithëve ndiqeni VIDEON, që tregon se si Rama bllokoi për tre vjet integrimin dhe marrjen e statusit të vendit kandidat të Shqipërisë vetëm e vetëm për një cope Kryetar Qarku në Fier”,- shkruan Petrit Vasili në Facebook.