Vrau Jurgen Kurtin para shtëpisë, Apeli lë në fuqi dënimin për vrasësin

Në seancën e kësaj të premteje, Gjykata e Apelit ka lënë në fuqi vendimin e Gjykatës së Tiranës për dënimin me 10 vjet e 8 muaj për Elsi Levendin. Ky i fundit është dënuar për vrasjen e Jurgen Kurtit, ngjarje kjo e ndodhur më 18 mars të vitit 2019 në rrugën “Zef Jubani” në Tiranë. Sapo i riu kishte dalë nga palestra e cila ndodhej pranë shtëpisë së tij, Levendi lajmëroi bashkëpunëtorët të cilët e prisnin në hyrje të pallatit ku jetonte Kurti.