Nëse do të ketë ankesa nga të dënuarit në Peqin, ministri i Drejtësisë Ulsi Manja, ka thënë se do të shkarkojë drejtorin. Manja ka kritikuar drejtuesit e burgjeve në vend për cilësinë e punës së tyre dhe mënyrën sesi trajtohen të burgosurit.
“Nëse më vjen edhe njëherë tjetër ankesë për ushqimin e të burgosurve, do të shkarkoj menjëherë drejtuesin”, u tha Manja drejtuesve të burgjeve. “Të dënuarit janë privuar nga liria, por askush nuk mund t’i privojë ata nga asgjë tjetër që parashikon ligji”.
Ministri i Drejtësisë thekson se çdo i burgosur, apo i paraburgosur, duhet që të vaksinohet dhe për këtë duhet ndjekur një politikë bindëse brenda institucioneve si dhe transparence me publikun për situatën në vijimësi.
