Lëvizja Federative e Minorancave Gjuhësore arbëreshe “Arbëria e Re” në Itali, i ka dërguar një letër të hapur kryeministrit Edi Rama, ku shprehin shqetësimin e thellë të komunitetit arbëreshë. Për ta është koha e të drejtave dhe jo e sfilatave.
Sipas tyre, që nga vizitat e shpeshta të improvizuara të përfaqësuesve të delegacioneve të institucioneve shqiptare që janë reduktuar në parada e ekskursione me qëndrime pushimesh të këndshmë në agro turizme, duke i lënë arbëreshët gjithmonë në hallin e problemeve serioze të tyre.
”Komunitetit i Arbëreshëve të Italisë shprehet kundër paradave të vazhdueshme turistike të përfaqësuesve të institucioneve shqiptare në Arbëri e kërkon vëmendje ndaj situatës së rëndë që po kalojnë e që po çon drejt zhdukjes së gjuhës e kulturës shqiptare.Lëvizja politike “Arbëria e Re” i është drejtuar me një letër kryeministrit Rama e qeverisë shqiptare. Lëvizja Federative e Minorancave Gjuhësore arbëreshe i kërkon Institucioneve shqiptare më shumë mbrojtje për Arbërinë. “Është koha e të drejtave dhe jo e sfilatave”,-thuhet ndër të tjera në letrën që ”Ora News” ka siguruar.
