Një 60-vjeçar ka mbetur i plagosur në një lokal në Bajram Curri mbrëmjen e së premtes si pasojë e të shtënave me armë. Ngjarja raportohet të ketë ndodhur në ambientet e një lokali mes disa personash, që sipas burimeve ishin nën efektin e alkoolit. I plagosuri është dërguar në spital, ku ndodhet jashtë rrezikut për jetën, ndërkohë që vijojnë hetimet për zbardhjen e ngjarjes.
