Barcelona është rikthyer te fitorja në La Liga dhe tashmë shkon në +10 pikë nga Reali ndjekës. Skuadra katalanase mori një fitore të vuajtur 1-0 ndaj Valencias.
Në “Cmp Nou”, katalanët e nisën vrullshëm dhe zhbllokuan sfidën në minutën e 15-të me anë të brazilianit Raphinha, i cili shfrytëzoi një pasim të Busquets.
Gjithçka po shkonte mirë për katalanët, që në minutën e 55-të patën rastin të dyfishojnë, por Ferran Torres shpërdoroi penalltinë, duke goditur shtyllën.
Për ta komplikuar edhe më shumë ndeshjen, mendoi Araujo, që bëri një faull si lojtar i fundit në të 59-ën dhe u ndëshkua me karton të kuq, duke lënë të tijtë me 10 futbollistë.
Gjithsesi të besuarit e Xavit ia dolën të rezistojnë edhe me një lojtar më pak, duke u rikthyer te fitorja, që i çon përkohësisht në kuotën e 62 pikëve, 10 më shumë se Reali i Madridit.
