Shkodra, djepi i kulturës, sa vjen dhe shkëlqen. Bashkia e Shkodrës nën drejtimin e Benet Becit, ka mbuluar simbolikisht fasadat e rrënuara pranë Trumës me tematikën e “Estradës në penxhere” (në pritje të rikonstruksionit të ndërtesave ekzistuese). Bashkia Shkodër ka ndërhyrë sot duke vendosur një vepër artistike me të njëjtin emër, një baner i krijuar me foto të arkivës, me rastin e 65 vjetorit të Estradës së Shkodrës.
Postimi i plotë
Sot Bashkia e Shkodrës ka mbuluar simbolikisht fasadat e rrënuara pranë Trumës me tematikën e “Estradës në penxhere” (në pritje të rikonstruksionit të ndërtesave ekzistuese).
“Estrada në penxhere” është një nga shfaqjet e para me humor e këngë në Shkodër, përpara se ajo të institucionalizohej në vitin 1958.
Bashkia Shkodër ka ndërhyrë sot duke vendosur një vepër artistike me të njëjtin emër, një baner i krijuar me foto të arkivës, me rastin e 65 vjetorit të Estradës së Shkodrës.
Videoja e realizuar pak çaste më parë ka sfond muzikor kompozimin “Qyteti im” nga Pjetër Gaci, kënduar nga Florinda Gjergji, nën drejtimin muzikor e tingujt e fizarmonikës së Luan Barovës, një regjistrim i vitit 1980.
