Kryetari i Partisë Demokratike, Sali Berisha ka treguar sipas tij arsyet pse u rrëzua dje në Parlament kandidatura e Ardian Dvoranit si anëtar i Gjykatës Kushtetuese.
Sipas Berishës, ka pasur një marrëveshe me Bashën që Dvorani të votohej, por siç thekson ai Rama sheh spiunin tek çdo person.
“Dvorani nuk mbeti pa u zgjedhur pse e kundërshtoi opozita. Opozita nuk e votoi, por Dvoranin e votuan vetëm 14 deputetë nga mazhoranca. Ai është simbol i korrupsionit, turp i drejtësisë dhe ne do ta bëjmë çështje. Edhe Vali Bizhgën po ta kishin sjellë në Parlament, Rama do ta kishte rrëzuar sepse ai sheh spiun në çdo person. E ka kapur spiunofobia dhe nuk ka asnjë shkak tjetër përveç spiounofobisë së Edi Ramës që Dvorani të merrte nga ajo mazhorancë 14 vota. Nëse ky merrte votat që i kishte premtuar Rama, Semini nuk dilte, por nëse ky nuk zgjidhej do dilte Semini.
Ky doli i poshtëruar se këtë e nxorën me 14 vota, pse e nxorën? Ky nuk meriton asgjë, por u fut se është bërë edhe një marrëveshje me Bashën që do votohej Dvorani. Dvorani nga deputetët e Ramës merr 14 vota dëshmon se Rama është i sëmurë rëndë nga spiunofmbia. Viktima tjetër do të jetë Vali Bizhga. Po jua them unë ju”, tha Berisha.
