Sali Berisha në takimin përmbyllës të fushatës së zgjedhjeve lokale të 14 majit në Korçë, prej nga theksoi se këto janë zgjedhje për fatin e demokracisë. Ai i bëri thirrje qytetarëve që të votojnë për Ledina Aliollin.
“Zgjedhjet vendore kësaj radhe janë zgjedhje për fatin e demokracisë shqiptare, ndaj dhe unë kam bindjen më të madhe se idealistët, të cilët u ngritën fuqishëm në këtë fushatë si asnjëherë më parë, do triumfojnë me 14 maj. Edi Rama nuk lejon Filen e tij të ballafaqohet me Ledina Aliollin. Nuk lejon kandidatët e tij të ballafaqohen me kandidatët e primareve. Kjo sepse ata kanë tmerr nga vetja e tyre. Ata janë zhytur në krime të tmerrshme ekonomike, vjedhje pas vjedhje, përvetësim pas përvetësimi”, u shpreh Berisha.
Po ashtu Berisha tha se Edi Rama i ka të numëruara kohërat. ”Flet për Amerikën njeriu që i korruptoi SHBA, njërin nga njerëzit më kryesorë të sigurisë së tyre, shefin e kundërzbulimit. Ju garantoj se është i pandashëm nga fati i McGonigal. Ky është McGonigal shqiptar dhe do të shkojë të vuajë burgun bashkë me të”, tha ai.
