Eneo Bitri është prezantuar zyrtarisht te Astana. I larguar nga Partizani me parametër zero qendërmbrojtësi i talentuar firmosi një kontratë të majme ekonomikisht në kampionat kazak me një nga skuadrat më të mira të këtij vendi pikërisht Astanan.
Pas firmës, Bitri ka thënë edhe fjalët e para si futbollist i Astanas me të cilët do të kërkojë të arrijë të gjithë objektivat.
“Jam shumë i lumtur që jam këtu. Astana është një klub i madh dhe dua të fitoj çdo ndeshje së bashku me ekipin. Shpresoj të ndihmoj skuadrën të arrijë të gjitha objektivat këtë sezon dhe të jemi skuadra më e mirë në Kazakistan. Kam dëgjuar shumë për klubin dhe qytetin. Më pëlqen Nur-Sultan, një qytet me të vërtetë modern dhe i bukur. Shpresoj ta njoh qytetin sa më shpejt nga afër”, shprehet Bitri.
