1 milion protestues në rrugë

Rreth 1 milionë qytetarë mbushën rrugët e Hong Kongut të dielën, në një protestë masive kundër një projekt-ligji tejet të kritikuar të qeverisë për ekstradimin e të dënuarve drejt Kinës. Nga përleshjet me policinë, që përdori edhe sprain lotsjellës për sprapsjen e turmës pati disa të lënduar. Analistët politikë mendojnë se paketa ligjore do t’i lejojë Pekinit të arrestojë kundërshtarët politikë në territorin administrativ autonom. Për qytetarët masa e re e qeverisë do ta vendosë Hong-Kongun nën regjimin diktatorial të Pekinit. “Nëse projekt-ligji do të miratohet, kufiri mes Kinës dhe Hong Kongut do të zhbëhet”. Kryeministrja e vendit Carrie Lam, u shpreh e vendosur në miratimin e ligjit që sipas saj do të vendosë drejtësinë në vend.