Akuza për sulm seksual ndaj kandidatit të Trump për gjyqtar

Problemet nuk kanë të sosur për kandidatin e presidentit Trump për Gjykatën e Lartë, Brett Kavanaugh. Pasi u akuzua vetëm pak ditë përpara zgjedhjes së tij për sulm seksual, një akuzë e dytë i bashkëngjitet të parës, edhe kësaj here për ngacmim seksual.

Deborah Ramirez, një ish-bashkë studente e Kavanugh në universitetin e Yale ka dhënë disa detaje në lidhje me akuzën e saj. Ajo pretendon se Kavanaugh i ka ekspozuar organin gjenital gjatë një feste, duke nxitur kontakt fizik pa pëlqimin e saj.

Gjykatësi i preferuar i presidentit amerikan i ka mohuar akuzat, duke i quajtur ato si tentativa për njollosje. Ndërkohë, gruaja e cila lëshoi akuzën e parë për sulm seksual, Kristine Blasey Ford, ka pranuar të dëshmojë gjatë kësaj jave përpara komisionit të senatit për ngjarjen që ajo pretendon se ka ndodhur në vitin 1982.

Konfirmimi i çdo gjykatësi për Gjykatën e Lartë është jetike pasi nëntë anëtarët e saj japin vendimin final për ligje mjaft të rëndësishme që kanë ndikim në jetën publike amerikane.

Tashmë emërimi i Kavaugh është lënë në pritje deri në seancën dëgjimore për dëshminë e akuzës.