Bullgaria ndalon me ligj perçet

Politikanët në Bullgari e kanë aprovuar një projektligj i cili do të ndalojë veshjen e rrobave të cilat mbulojnë fytyrën, tërësisht apo pjesërisht, në vendet publike.

DailyMail raporton se një total prej 108 deputetëve votuan në favor të legjislacionit, 8 votuan kundër  në leximin e parë, i cili ishte propozuar nga Fronti Kombëtar Patriotik i Bullgarisë dhe do të ndalojë nikabin dhe burkan.

Ligji do të aplikohet në të gjitha institucionet zyrtare dhe zonave të cilat ofrojnë shërbime administrative, sociale apo arsimore, si dhe në vende për kohë të lirë publike.