Detaje nga tragjedia me barkën ku ishin 140 emigrantë, bie zjarr dhe mbyten

Është shënuar një nga tragjeditë më të rënda detare të këtij viti, pasi 140 emigrantë që lundronin drejt Europës janë mbytur, pasi barka e tyre mori zjarr dhe u përmbyt.

Barka me rreth 200 njerëz u mbyt të shtunën pas nisjes nga qyteza Mbour, rreth 100 km në jug të kryeqytetit Dakar. Marina e Senegalit dhe Spanjës kishte shpëtuar rreth 60 njerëz, “por të paktën 140 janë mbytur”, tha agjencia e OKB.

Emigrantët e ardhur në ishujt spanjollë Canary nga Afrika perëndimore janë katerfishuar këtë vit në krahasim me rreth 11,000 që mbërritën në të njëjtën periudhë në 2019, thotë agjencia. Rritja vjen pasi rrugë të tjera më të favorshme si ajo e Libisë apo Algjerisë, si dhe rruga detare Mesdhetare drejt Jugut të Evropës, janë bllokuar nga shtimi i kontrolleve.