Finlanda dhe Suedia drejt NATO-s, Turqia po ”zbutet”

Një zyrtar i lartë turk, thotë se bisedimet për anëtarësimin e Finlandës dhe Suedisë në NATO kanë disa përparime, por shton se ky nuk ishte një proces i lehtë.

30 anëtarët e NATO-s, përfshirë Turqinë, duhet të miratojnë aplikimet nga Suedia dhe Finlanda për t’u bashkuar me aleancën perëndimore të sigurisë.

Turqia i ka sfiduar të dyja, pasi hedh akuza se të dyja vendet strehojnë individë të lidhur me terroristët kurdë, një pretendim i mohuar nga Suedia dhe Finlanda.