Fluturonte me prindërit, ndërron jetë brenda avionit foshnja 11 muajshe

Një foshnjë 11 muajshe ka ndërruar jetë teksa ka qenë duke fluturuar me familjen e tij gjatë mëngjesit të së mërkurës.

Arnav Varma po udhëtonte me prindërit me Qatar Airways nga Doha në Hyderabad të Indisë, kur filloi të kishte probleme me frymëmarrjen rreth orës 2.30 të mëngjesit.

Ai u dërgua në Qendrën Mjekësore Apollo pasi aeroplani u ul në aeroportin ndërkombëtar Rajiv Gandhi, sipas njoftimeve, por u shpall i vdekur pas mbërritjes.

Mendohet që foshnja ka lindur në shtetin amerikan të New Jersey dhe ka një pasaportë amerikane. Ndërsa i ati Anil Varma ka pasaportë indiane.