Ish-marinsi: Ukrainasit si talebanët e droguar. Kievi nuk do të bjerë asnjëherë

“Kievi nuk do të bjerë asnjëherë”, thotë një ish-marins veteran britanik, i cili vendosi t’i bashkohej luftës në Ukrainë.

Për të Kievi nuk do të bjerë asnjëherë në duart e rusëve, pasi taktikat e tyre guerile janë tepër efikase dhe se ata po mbrojnë vendin e tyre njësoj si talebanët për të cilët thotë se luftonin gjatë gjithë kohës të droguar.

Shane Matthews, i cili ka shërbyer në disa misione në Afganistan dhe Irak si nëntetar me Regjimentin Mbretëror të Batalionit të 2-të të Princeshës së Uellsit.

Ai fluturoi për në Poloni përpara se të hynte në kryeqytetin ukrainas, ku prej ditësh ka ndihmuar në fortifikimin e qytetit dhe trajnimin e civilëve.