ISIS hap hotelin luksoz me 262 dhoma në Mosul. Ka pishina, restorante dhe palestër

ISIS ka hapur hotelin e vet luksoz në qytetin e  Irakut, Mosul për anëtarët e grupit ekstremist për të qëndruar në të dhe për ta vizituar.

Disa foto të postuara nga militantët e ISIS në mediat sociale, shihen sesi terroristë të Shtetit Islamik kujdesen për mirëmbajtjen e kopshteve, lustrimin e  kateve, pastrimin e dritareve, pishina noti dhe dy  flamuj  të zinj të ISIS që valviten  në pjesën e përparme të ndërtesës shumëkatëshe.

Hoteli besohet se është "Hotel International Ninawa"  i cili  ka marrë një numër të konsiderueshëm komentesh  pozitive në TripAdvisor, para se të zihej  nga militantët eISIS dhe të zhdukej çdo gjurmë e emrit të dikurshëm.  Hoteli ka 262 dhoma, dy restorante, si dhe palestër dhe ofron një sërë shërbimesh të tjera.