Kallashnikovi i ri, arma sekrete e rusëve (VIDEO)

Kompania ruse e prodhimit të automatikëve “Kallashnikov” ka hedhur në qarkullim një model të ri. Bëhet fjalë për AK-400. Arma e re është një prodhim ekskluziv për rojet presidenciale të Presidentit Vladimir Putin, si dhe për një pjesë të forcave speciale.

Arma është e përshtatshme për luftime në fushë-beteje, si dhe për shkak të kondakut të saj që mund të shkurtohet përdoret dhe në luftë urbane.

Modeli i ri u prezantua në muajin janar në mbledhjen e Këshillit të Sigurisë Kombëtare. Fillimisht do të përdoret vetëm nga garda ruse dhe më pas do të hyjë në përdorim në sektorët elitë të ushtrisë.

Automatiku është i gjatë 94 centimetra dhe peshon 3 kilogramë. Arma mund të pajiset me të gjithë aksesorët, si hedhëse granatash, dylbi snajperi, thikë etj.

[youtube url=”https://www.youtube.com/watch?v=7dym1b4RB8M” width=”560″ height=”315″]