Kreu i BDI, Ali Ahmeti ka ikur nga Maqedonia?!

Kryetari i BDI­-së, Ali Ahmeti, është larguar nga Maqedonia dhe është strehuar jashtë vendit, për shkak të luftimeve të ashpra në Kumanovë.

Këtë e raporton “Lajm”, ku shkruhet se sipas burimeve, përfaqësuesit e bashkësisë ndërkombëtare kanë duke bërë presion ndaj Ahmetit që të kthehet në vend dhe të paraqitet publikisht me apel për qetësim të situatës.

Por nuk dihet se në cilin vend është arratisur Ahmeti dhe nëse ka ikur i vetëm apo i shoqëruar nga ndonjë funksionar tjetër.

Hera e fundit kur është parë Ahmeti ka qenë takimi që ka realizuar me deputetët e partisë së tij. Për shkak të presionit të madh ndërkombëtar, marrim vesh se ai veç më është nisur sërish drejt Maqedonisë. Ndërsa në BDI nuk dëshirojnë t’i komentojnë zyrtarisht këto informacione.