Mercenari sirian kapet rob në luftimet në Nago-Karabak: Na ofruan 100 dollarë për çdo ‘të pafe’ të vrarë

Një mercenar sirian, i dyti i kapur në rajonin e Nago-Karabakut, tha gjatë marrjes në pyetje se ai ishte paguar 2,000 dollarë për luftimin e “të pabesëve”, siç i cilëson ai armenët.

Militanti islamik u identifikua si Yusuf Alaabet al Haj, i lindur 1988, në fshatin Ziyadiya të Idlib të Sirisë. Ai u dërgua në rajon si mercenar për Azerbajxhanin.

“Sipas militantit, atij iu premtua një pagesë mujore 2000 dollarë për të luftuar kundër ‘qafirëve’ në Artsakh dhe 100 dollarë shtesë për secilin ‘kafir’ të vrarë, tha Zëdhënësi i Ministrisë Armene të Mbrojtjes, Shushan Stepanyan.

Qafir është një term arab që do të thotë “i pafe”.