Mjekët indianë: Varianti Delta shkakton gangrenë dhe shurdhim

Doktorët indianë kanë dhënë alarmin mbi variantin e ri të koronavirusit. Ata thonë se varianti që quhet Delta jep gangrenë dhe shurdhim.

Sipas shkencëtarëve, varianti i ri duket të jetë më infektuesi i zbuluar deri tani dhe mesa duket, edhe më i rrezikshmi.

Përveç simptomave të zakonshme të Covid-19, disa doktorë në Indi thonë se po vërejnë një rritje të pacientëve që shtrohen në spital me humbje dëgjimi ose gangrenë të shkaktuar nga mpiksja e gjakut.

“Vitin e kaluar, kam parë 3-4 raste gjatë gjithë vitit me gangrenë ose humbje dëgjimi, por tani po shikoj të paktën një rast në javë”, tha Dr. Ganesh Manudhane.

Në Shqipëri nuk ka ende persona të konfirmuar me mutacionin indian të Covid-19, por nuk mungojnë rastet e dyshuara. Ditët e fundit në laboratorin e Institutit të Shëndetit Publik janë kryer analiza tek personat e dyshuar, por kanë rezultuar negative.