Ndihma amerikane për Ukrainën, Zelensky falënderon Biden: Mirënjohës, po shpëtoni jetë!

Presidenti i Ukrainës Volodymir Zelensky, pas deklaratave të Biden në Shtëpinë e Bardhë, ka falënderuar presidentin e SHBA-së për ndihmën shtesë ushtarake dhe ekonomike.

Me anë të një postimi në Twitter, Zelensky u shpreh se është mirënjohës për të gjithë ndihmat që Amerika dhe e gjithë bota po i jep popullit ukrainas, duke shpëtuar kështu jetët e mbrojtësve të demokracisë dhe lirisë që ofrojnë rivendosjen e paqes.

Biden njoftoi 500 milionë dollarë ndihmë ekonomike për qeverinë ukrainase dhe 800 milionë dollarë ndihmë ushtarake. Paketa do të përfshijë artileri të rëndë dhe drone, së bashku me municione.