Nga Ukraina, do të nisen pesë anije me 70 mijë tonë grurë

Pesë anije do të mbërrijnë ditën e nesërme në portin ukrainas Chornomorsk, nga ku do tlë nisen me produkte bujqësore që do të shpërndahen më pas në Europë e kudo. Anijet do të ngarkohen me 70 mijë ton produkte bujqësore duke përfshirë gurin, misrin e vajin e lulediellit.

Autoritetet ukrainase konfirmuan se gjithsej janë larguar 24 anije që transportonin ushqime nga portet e Ukrainës që kur marrëveshja hyri në fuqi.

Para se të niste lufta, Ukraina eksportonte nga pesë deri në gjashtë milionë ton produkte bujqësore çdo muaj nga deti. Shumë njerëz në rajonet më të varfra të botës mbështeten dërgesat me ushqim nga Deti i Zi.