Njerëzit në izolim, kafshët e egra “pushtojnë” qytetet

Pas disa javësh në izolim total në shumë qytete të botës kafshët janë të vetmet gjallesa që popullojnë rrugët. Por së fundmi janë parë që përveç kafshëve shtëpiake, në qytete kanë zbritur edhe kafshët e egra. Kjo ka ardhur në kërkim të ushqimit por edhe nga qetësia dhe ndjenja e sigurisë që ofron terreni për këto gjallesa kur nuk ka njerëz përreth. Në mediat ndërkombëtare janë publikuar fotot e shkrepura nga aparatet ku kafshët duket se tashmë janë ambientuar me qytetin pas izolimit të njerëzve për shkak të Covid-19.