Përplasja e frikshme frontale mes makinave, plagoset shqiptari

Një shqiptar ka mbetur i plagosur pas një aksidenti që ndodhi në aksin rrugor “Bellaria Igea Marina” në Rimini, mëngjesin e sotëm.

Mediat lokale shkruajnë se i plagosur është një 47 vjeçar shqiptar, i cili drejtonte një automjet tip Mercedes.

Makina e tij u përplas me një automjet tip “Lancia Y”, drejtuar nga një 35 vjeçare italiane.

Pavarësisht përpjekjes së dëshpëruar të gruas për të shmangur Mercedezin, nuk ia ka dalë dot.

Shqiptari përfundoi në spitalin e Nermës në Rimini.