Putin: Falenderime aleatëve për kontributin në fitoren kundër nazizmit

Presidenti rus, Vladimir Putin falenderoi sot Francën, Britaninë e Madhe dhe Shtetet e Bashkuara të Amerikës për kontributin e tyre në fitoren kundër nazizmit, me rastin e paradës ushtarake që shënon 70-vjetorin e fitoresë së Ushtrisë së Kuqe kundër Gjermanisë hitleriane.

“Falenderoj popullin francez, britanik dhe amerikan për pjesëmarrjen e tyre në fitore”, deklaroi Putin.

”Falenderoj vendet e ndryshme antifashiste që morën pjesë në luftën kundër nazistëve, si në rezistencë të hapur ashtu edhe në klandestinitet”, theksoi ai.

Për herë të parë në një paradë të tillë, gjithë të pranishmit mbajtën një minutë heshtje për viktimat e luftës.