Rusia nis procesin për shpalljen e Krimesë zonë të lirë ekonomike

Medvedev ftoi dhomën e ulët të Parlamentit rus që të iniciojë diskutime dhe formojnë një projekt-vendim përfundimtar mbi të cilën do të raportohet. Projekt vendimi parashikon që investitorët në Krime në dekadën e ardhshme të lirohen nga pagesa e disa tatimeve të caktuara, të zvogëlojnë numrin e të punësuarve në administratën publike, ndërsa qëllimi përfundimtar i Rusisë është të tërheqë sa më shumë investime në Krime  

Pas shpalljes së njëanshme të shkëputjes nga Ukraina dhe bashkimit me Rusinë, Krimea në prill ka iniciuar idenë për shpalljen e zonës së lirë ekonomike. Për zbatimin praktik të këtyre ideve, është e domosdoshme që Parlamenti rus ta miratoj dhe pastaj presidenti Vladimir Putin ta nënshkruaj vendimin.