Shtatori i 2020 më i ngrohti që nga 1880

Sipas shkencëtarëve në Administratën Kombëtare të Oqeanisë dhe Atmosferës së SHBA-së, shtatori i këtij viti ka qenë shtatori më i nxehtë që nga fillimi i mbajtjes së shënimeve të temperaturave në vitin 1880.

Temperaturat jashtëzakonisht të larta të regjistruara në Siberi, në Lindjen e Mesme dhe në pjesë të Amerikës së Jugut në shtator po kontribuojnë që 2020 të jetë një vit jashtëzakonisht i nxehtë, thanë klimatologët.

Në vitin 2015 u nënshkrua marrëveshja e klimës së Parisit, e cila përcakton një kornizë globale për të shmangur ndryshimin e rrezikshëm të klimës duke kufizuar ngrohjen globale nën 2 gradë celsius dhe përpjekje për ta ulur atë në 1.5 gradë celsius.

Edhe pse vendet e mëdha, përfshirë Kina dhe Bashkimi Evropian janë zotuar të ulin emetimet e tyre në dekadat e ardhshme, në përgjithësi, politikat aktuale po tregojnë që temperaturat do të vazhdojnë të rriten përtej nivelit të 1.5 gradë celsius.