Venezuelë: 4 milionë vetë në arrati

Ka arritur në 4 milionë numri i venezuelianëve të larguar nga vendi i tyre, që është bërë skena e një krize të rëndë ekonomike dhe politike, thanë në një deklaratë të përbashkët sot UNHCR, Agjencia e Refugjatëve të Kombeve të Bashkuara dhe IOM, Organizata Ndërkombëtare për Migracionin.

Ritmi i eksodit është tronditës: nga thuajse 695 000 në fund të vitit 2015, numri i refugjatëve dhe emigrantëve nga Venezuela ka tejkaluar 4 milionë, nga të cilët një milion në vetëm shtatë muaj, që nga nëntori 2018.