Zelensky: Blinken dhe Austin do të vizitojnë nesër Ukrainën

Bota E Shtunë, 23 Prill 2022 22:49

Presidenti i Ukrainës, Volodymyr Zelensky, ka njoftuar se Sekretari amerikan i Shtetit, Antony Blinken, dhe Sekretari amerikan i Mbrojtjes, Lloyd Austin, do të vizitojnë Kievin, ditën e dielë.

“Nuk besoj se është sekret që njerëz nga SHBA do të vijnë për vizitë te ne, ditën e nesërme. Do të vijë zoti Blinken dhe Sekretari i Mbrojtjes”, tha Zelensky në një konferencë për shtyp.

Shtëpia e Bardhë nuk ka pranuar që të komentojë këtë vizitë të mundshme të Sekretarit të Shtetit dhe atij të Mbrojtjes në Ukrainë.