Zelensky del nga Kievi, viziton ushtarët në Kharkiv

Presidenti ukrainas Voldymyr Zelensky udhëtoi në rajonin e Kharkiv për të vizituar vendndodhjen e trupave. Sipas autoriteteve lokale, 2229 shtëpi janë shkatërruar dhe 31% e rajonit është e pushtuar.

“Ndjej krenari të pakufishme për mbrojtësit tanë, çdo ditë, duke rrezikuar jetën e tyre, ata luftojnë për lirinë e Ukrainës. Faleminderit secilit prej jush për shërbimin tuaj”, shkroi ai në Telegram duke postuar foto nga takimi.

Qyteti verilindor ka përjetuar disa nga luftimet më të ashpra që kur Rusia nisi pushtimin e saj në Ukrainë më 24 shkurt.