Zgjedhjet e parakohshme në Bullgari, sondazhet nxjerrin fitues partinë GERB-SDS

Partia GERB-SDS ka fituar 66 deputetë në zgjedhjet e sotme parlamentare në Bullgari, sipas rezultateve të para të exit poll-it të kryer nga “Alpha Research”. Parti e dytë renditet Vazhdimi i ndryshimit me 52 deputetë.

Në vendin e tretë renditet partia DPS – 37 deputetë, pasuar nga BSP për Bullgarinë 27, Ringjallja 26 deputetë, Bullgaria Demokratike – bashkim 21 dhe Ka një popull të tillë 11 deputetë.

Zgjedhjet e parakohshme të kësaj të diele ishin votimi i katërt i tillë në vetëm 18 muaj. Këto zgjedhje u bënë të nevojshme pas rrëzimit në korrik 2022 të qeverisë liberale të reformuar të kryesuar nga kryeministri Kiril Petkoë.

Në Bullgari, kur një qeveri bie dhe nuk mund të bihet dakord për një të re, kushtetuta thotë se presidenti duhet të emërojë një kabinet të përkohshëm për të qeverisur deri në mbajtjen e zgjedhjeve të reja parlamentare.

Presidenti i Bullgarisë, Rumen Radev, ka rekrutuar tre nga koalicionet më të fundit të vendit, duke e bërë atë një figurë kyçe në trazirat politike që ka përfshirë shtetin e BE-së në vitet e fundit.