Mbasi denoncoi aferat korruptive dhe pagesat që jepen për të transferuar të dënuarit nga njëri burg në tjetrin, Neim Behari nga burgu i Peqinit thotë se ai po izolohet pa shkak.
Emri i të burgosurit që është dërguar disa herë në izolim me vendim gjykate u denoncua edhe nga ish-gjyqtari i shkarkuar më pas nga KLGJ Markelian Kuqo, që tregoi se ishte telefonuar nga i burgosuri mbasi kishte shpallur izolimin e tij.
Më pas ndaj të burgosurit u ankua edhe drejtori i përgjithshëm i burgjeve që kallëzoi se ishte kërcënuar, por diçka të tillë i dënuari për vrasje e konsideron si hakmarrje. Behari u arrestua kur ishte 25-vjeç dhe u dënua për vrasjen e një taksisti gjatë tentativës për ta grabitur.
