Nuredin Dumanit, i cili tashmë ka marrë statusin e të penduarit të drejtësisë, i cili ka shokuar me dëshmitë e tij për botën e krimit, i është komunikuar masa e sigurisë “arrest me burg”.
Mësohet se kjo masë është dhënë nga ambientet e spitalit të burgut, ku qëndron aktualisht Dumani, për shkak të plagëve të marra gjatë një atentati që iu bë në 29 mars në Elbasan.
Ndërkohë mësohet se në kuadër të operacionit ‘Plumbi i artë’ Gjykata do të japë dhe masën për Henrik Hoxhajn, i cilësuar si bashkëpunëtor i drejtësisë, të cilit do i komunikohet vendimi veçmas Dumanit. Ndaj Dumanit rëndojnë akuza për 17 vepra penale, nga vrasjet te vjedhjet.
