Kampionia olimpike, Majlinda Kelmendi ka folur për garën e fundit të karrierës së saj si xhudiste. Ajo tha se karrierën në aspektin sportive e ka mbyllur në mënyrën më të keqe, e që thotë, se nuk e ka merituar të ndodhte kështu.
Xhudistja e artë që u nderua me urdhrin ”Shote Galica”, tha se në vitin e fundit nuk është ndjerë mirë dhe për shkak të lëndimeve ka qenë e lodhur fizikisht dhe psiqikisht, gjë që kanë ndikuar në paraqitjen e saj në lojërat olimpike në Tokio.
”Ka kohë që e kom mendu. Viti i fundit ka qenë i vështirë për mu. Në janar të këtij viti, i kam thënë Tonit që s’po du me garu mo, s’po ndihna mirë. Arsyeja kryesore kanë qenë lëndimet. Jam lodh shumë fizikisht dhe psiqikisht. Unë e kom ditë që lojërat olimpike në Tokio kanë me qenë gara jem e fundit dhe qashtu ka ndodhë”.
