Të rriturit në një fermë dhe ose pirja e qumështit të papërpunuar të lopës në vitet e para të jetës mbron nga zhvillimi i imunoglobulinave E (IgE), të cilat janë përgjegjës për simptomat alergjike.
Sipas një studimi austriak, beta-laktoglobulina, e cila gjithashtu gjendet në qumësht, është një molekulë kryesore për organizmit kundër alergjive.
Në studimet laboratorike dhe modeleve të kafshëve, ekipi hulumtues i udhëhequr nga Franziska Roth-Ëalter nga Instituti për Hulumtime të Patofiziologjisë dhe Alergjisë në MedUni Vjenë tregoi se beta-laktoglobulina parandalon alergjitë nëse ajo mbart ligandat (receptorët) e saj natyral.
“Karakteristikat anti-alergjike të beta-laktoglobulinës natyrale mund të shpjegohen me faktin se kjo proteinë sjell në mënyrë specifike ligandët e saj në qelizat e mbrojtjes imune dhe në këtë mënyrë parandalon inflamacionin. Ligandët natyralë gjithashtu parandalojnë antitrupat IgE të depërtojnë në proteinën beta-laktoglobulin, e cila duhet t’i bëjë fëmijët më pak alergjikë ndaj qumështit” – shpjegoi Roth-Ëalter.
Me proteinën e lopës beta-laktoglobulinë, studimi paraqet një molekulë të re që, sëbashku me ligandët e saj natyrorë, është me interes për efektin mbrojtës të organizmit kundër alergjive. Sidoqoftë, rrethanat që çojnë në humbjen ose mungesën e këtyre ligandëve, për shembull për shkak të përpunimit industrial të qumështit ose cilësisë së dobët të ushqimit të kafshëve, mund ta shndërrojnë proteinën e qumështit të mirë-toleruar beta-laktoglobulinën në një alergjen.
“Studimi ynë jep shpresë se efekti i mbrojtjes nga alergjitë mund të bëhet më praktike dhe të përdoret për të parandaluar alergjinë” – theksoi Erika Jensen-Jarolim.
Studimi, i mbështetur nga Fondi Austriak i Shkencave FWF, u botua në Gazetën e Alergjisë dhe Imunologjisë Klinike (JACI).