Kombëtarja e Francës është bërë skuadra më e re që ka siguruar zyrtarisht pjesëmarrjen në Kampionatin Botëror 2026, pas një fitoreje bindëse 4-0 ndaj Ukrainës. “Gjelat” dominuan ndeshjen nga fillimi në fund, duke vulosur kualifikimin me autoritet dhe duke i dhënë fund llogarive në grup.
Ndërkohë, Norvegjia bëri detyrën në sfidën e pasdites kundër Estonisë, duke fituar 4-1, por kualifikimi i saj do të vendoset të dielën. Arsyeja: Italia arriti një fitore të vonshme në transfertë ndaj Moldavisë, duke shtyrë festën norvegjeze edhe për një ndeshje tjetër.
Mbrëmja ishte shumë e zymtë për Portugalinë dhe Cristiano Ronaldon. Luzitanët u mposhtën 2-0 nga Irlanda, duke e komplikuar maksimalisht rrugën drejt Botërorit dhe duke e shtyrë përballjen vendimtare në ndeshjen e fundit të grupit. Për më tepër, Ronaldo u ndëshkua me karton të kuq, një episod që shënon mbylljen e fushatës së tij të fundit kualifikuese në karrierë.
