Lëvizje e shpejtë e Atalantës në merkato, që ka mbyllur marrëveshjen për transferimin e Nicola Zalewski nga Interi. Dy klubet kanë arritur akordin dhe tani “Zonja e Vjetër” e Bergamos po finalizon detajet me vetë lojtarin. Negociatat janë në fazën përfundimtare.
Anësori polak, i cili kishte mbërritur vetëm shtatë muaj më parë te zikaltrit nga Roma, largohet tashmë nga “Pinetina”. Interi, që verën e kaluar kishte shpenzuar 6.5 milionë euro për ta blerë përfundimisht kartonin e tij, do të arkëtojë plot 17 milionë euro, duke realizuar një plusvalencë prej mbi 10 milionësh.
Ky operacion kënaq edhe trajnerin Ivan Jurić, i cili kërkonte përforcime në krahët e fushës. Kroati e njeh mirë lojtarin, pasi e ka stërvitur te Roma dhe e vlerëson për personalitetin dhe cilësitë teknike.
Zalewski, i lindur në vitin 2002, gjatë aventurës së shkurtër me Interin ka zhvilluar 17 ndeshje, duke dhënë edhe një asist në debutimin e tij në derbin ndaj Milanit. Ai pritet të nënshkruajë një kontratë me Atalantën deri në vitin 2030, ndërsa vizitat mjekësore janë planifikuar jo përpara së martës.