Gazetari Enton Abilekaj, i ftuar në emisionin “Të Paekspozuarit” në MCN TV, ka folur për raportin e Berishës me Partinë Demokratike, pas shpalljes së tij non-grata nga SHBA.
Abilekaj tha se PD nuk duhet të mbështesë Berishën në një çështje personale dhe nuk duhet të jetë një mburojë për ish kryeministrin, ndryshe kjo do të tregonte se PD është pronë e Berishës.
“Ç’punë ka PD të mbështesë Berishën në çështje personale? Po sikur të dalin të vërtetë ato që thotë SHBA?
Nëse do që të mbajë si mburojë PD-në, ne nuk duhet ta stimulojmë këtë. Ne mendojmë që PD mund të rrëzoje Ramën, jo të përdoret për luftën personale të Sali Berishës.
Nëse PD do të ndjekë një kurs anti amerikan dhe të vijë në pushtet me këtë kurs, është çështje e saj. Mund ta bëjë këtë zgjedhje.
Dakord, nëse ai e do pronë private…“, tha ndër të tjera Abilekaj.
