Te ngjitesh në majë të botës me thonje e gishta (Foto)

Dy alpinistë amerikanë, që kaluan më shumë se dy javë duke u ngjitur në faqen e El Capitan në Parkun Kombëtar “Yosemite”- ia kanë dalë të ngjiten në majë të shkëmbit të lartë 914 metra.Kevin Jorgesen, 30 vjeç dhe Tommy Caldwell, 36 vjeç, janë të parët alpinistë që e bëjnë diçka të tillë pa ndihmë, përveç pajimeve dhe litarëve për të parandaluar rëniet vdekjeprurëse. 

Gjatë kësaj kohe qe po ngjiteshin ata fjetën në disa tenda të varura në faqen e malit.

Ata nuk dhanë ndonjë intervistë pas kompletimit të sfidës.Megjithatë pritet që ata të diskutojnë për këtë arritje më vonë.

Gjatë kohës që pushonin, ata ishin aktivë online.Korrespondenti i BBC tha se në një pikë ata dukej se nuk do ia dilnin.

Pasi kanë vuajtur edhe disa plagë, ata ia dolën.“Nuk dorëzohem, do pushoj, do tentoj sërish, do ia dal,” shkruante Jorgesen.

Ai shkruante online se po mësonte se si të kalonte në nivele të reja të durimit.